24.09.2017
社區漫路遊總結禮

「女仔之家學咩音樂,又貴!學都留返比呀哥學啦」起傳統觀念重男輕女既情況底下,好多學習機會都留返比男性,女性就要照顧好兄弟姊妹、打理好家頭細務先係一個好女兒、好女仔!
學音樂對於女性黎講簡直係一件遙不可及既事之餘,仲係佢地既一個夢!

細過既時候未有機會學音樂,現時婦女樂坊既姊妹終為自己著想,抽出空間,堅持自己想做既事。儘管,練結他練到手指頭都痛,為左想用樂聲表達自己同感染人之外。靜雞雞話比大家知佢地仲成日好想好似霆鋒噤爆結他,又會不時起街見到有人busking就影底send起結他wtapps group到當鼓勵,希望第日學有所成可以大膽起街上同路人分享音樂。
最令人感動既係,呢班女人,每次一知道有表演,有比賽,就會日練夜練,去街都趕住返屋企練,有比賽可以唔想拋低隊友,而放棄返大陸既車飛,拋低屋企,大大聲起電話同屋企人講,「比賽遲左開始,未到我地果隊,我要比賽,你地自己返上去先」。有人會話,乜你噤任性。但果一刻小編覺得呢個女人靚到身體有光發出黎!「妳可有自己的選擇!」

除左婦女樂坊大獻技之外,仲有一班好惜食代言人,岩呀!你冇睇錯呀,我地係有一班代言人,一齊去介紹薯仔清潔工既製造方法同用法。#人人都用梘 #唔通真係個個都識用梘